Потребно:
- 4 мандарини
- 2 јајца
- 120гр шеќер
- 1 ванилин шеќер
- 80мл масло
- 120гр брашно
- 1 прашок за печиво
Подготовка: Рачно изматете ги јајцата со шеќерот додека смесата не стане пенаста. Додадете го маслото и добро измешајте со жица за матење. Во смесата додадете го брашното со прашокот за печиво, а ако сакате може и да го просеете. Се заедно убаво измешајте. Излупете ги мандарините и исечете ги на половина. Калапот за колач намастете го и побрашнете го. На дното од калапот наредете ги мандарините со внатрешната страна надолу и прелијте ги со смесата од брашно и јајца. Колачот ставете го во загреана рерна и оечете го половина час на 180 степени. Со чепкалка проверете дали колачот е печен – таа мора да биде целосно сува. Кога е готов, оставете колачот малку да се олади, па украсете го со шеќер во прав. Добар апетит!
