Потребно:
За основата од морков
- 160 г брашно
- 1 кесичка прашок за печиво
- 180 г излупени и сечкани моркови
- 120 мл масло
- 2 јајца
- 240 г шеќер
За чоколадниот дел
- 140 г сечкано полуслатко чоколадо
- 100 г несолен путер
- 2 јајца
- 180 г шеќер
- 2 лажици какао во прав
- 120 г пченично брашно
Подготовка: Вклучете ја рерната на 180°C. Подмачкајте и набрашнете правоаголен плех (20 x 30 см). Измешајте ги морковите, јајцата, маслото и шеќерот во блендер додека не добиете мазна смеса. Истурете во сад, додадете брашно и нежно мешајте. На крајот, додадете прашок за печиво и кратко мешајте. Истурете ја смесата во тавата и печете 30 минути. Тестирајте со чепкалка за заби – треба да излезе сува. Растопете го чоколадото и путерот на тивок оган или во микробранова печка (во интервали од 30 секунди). Оставете да се олади неколку минути, потоа додадете шеќер и јајца и добро измешајте. Додадете брашно и какао, кратко измешајте за да остане густа и кремаста маса. Истурете ја чоколадната смеса врз веќе испечената торта од моркови и внимателно израмнете ја со шпатула. Вратете во рерна и печете уште 20 минути. Проверете со чепкалка за заби: делот од морковот треба да биде сув, а делот од чоколадото малку леплив. Оставете ја тортата да се олади 10-15 минути, а потоа внимателно извадете ја од тавата. Сервирајте изладена или на собна температура. Добар апетит!
