РЕЦЕПТ НА ДЕНОТ: Колач од цвекло

Користењето на цвекло во подготовка на десерти на многумина веројатно ќе им звучи чудно. Но, добра вест е што овој колач од цвекло во вкусот не потсетува на цвекло, но цвеклото му дава топол земјен вкус кој што ќе им се допадне и на возрасните и на децата. Содржи помалку шеќер од повеќето колачи, а секогаш можете да го премачкате со едноставна глазура од павлака и шеќер во прав или само да го наросите со саканата количина на шеќер во прав.

Потребно:

  • 230гр брашно
  • ½ лажичка сода бикарбона
  • 1 прашок за печиво
  • 150гр свежо изрендано цвекло
  • 230гр кафеав шеќер
  • 75гр суво грозје
  • 75гр мелени ореви
  • 3 јајца
  • 1 лажичка цимет
  • 80мл зејтин
  • Сок од половина лимон
  • Рендана кора од лимон

Подготовка: Во сад измешајте ги сувите состојки – брашното, содата, прашокот за печиво и циметот. Во друг сад изматете ги јајцата со шеќерот, а потоа додадавајте една по една жолчка. Од белките изматете цврст шам. Цвеклото излупете го и изрендајте го на ситно. Во смесата со јајца, додадете го цвеклото и измешајте. Додадете ја кората од лимон, сокот од лимон, ореви и сувото грозје и убаво измешајте. На крајот додадете ги сувите состојки и се заедно соединете. На крајот, со шпатула полека измешајте го шамот од белки. Смесата ставете ја во тавче претходно намастено ии наросено со брашно и ставете да се пече во претходно загреана рерна на 200 степени, околу 55 минути. По 30 минути печење, колаќот покријте го со хартија за печење. Оставете да се олади, а пред сервирање декорирајте го по желба. Добар апетит!

ПОВРЗАНИ НАПИСИПОВЕЌЕ ОД АВТОРОТ