Потребно:
- 4 јајца
- 350мл јогурт
- 100мл масло
- 350гр брашно
- 150гр шеќер
- 100гр исечкано чоколадо
- 2 лажички прашок за печиво
- 1 лажичка сода бикарбона
- Малку сол
- Лебни трошки за калапот
Подготовка: Подгответе го калапот за печење, така што ќе го премачкате со малку масло или маргарин и ќе наросите лебни трошки. Рерната загрејте ја на 180 степени. Во еден сад измешајте го брашното, прашокот за печиво, сода бикарбоната и солта и оставете го настрана. Во друг сад измешајте ги јајцата, маслото и јогуртот. Потоа додадете го шеќерот и измиксирајте ги сите состојки да добиете убава мазна смеса. Оваа смеса излијте ја во садот со брашното и убаво соединете, а на крајот додадете го исчеканото чоколадо. Ставете ја добиената смеса во калапот за печење и оставете колачот да се пече помеѓу 30 и 40 минути. Добар апетит!
