Потребно:
- 150 гр брашно
- 4 јајца
- 200 гр крем сирење
- 200 гр шеќер во прав
- 200 гр гриз
- 100 мл масло
- 10 гр прашок за печиво
- 1/2 лажичка сол
- 1 лажица екстракт од ванила
За сирупот:
- 700 мл вода
- 800 гр шеќер
- Кора од портокал
- 1 лажица сок од лимон
Подготовка: Во тенџере налејте ја водата заедно со шеќерот, кората од портокал и сокот од лимон. Варете додека не зоврие, па оставете на шпорет уште 7 минути и потоа тргнете го. Крем сирењето измаетете го со јајцата и шеќерот во прав. Додадете масло, просеаното брашно со прашокот за печиво, гризот, ванилата и солта. Миксирајте додека не добиете густа смеса без грутки. Потоа смесата ставете ја во тавче подмачкано со масло и израмнете. Печете во загреана рерна на 180°C околу 35 минути. Врелиот колач прелијте го со изладениот сируп. Исечете и украсете со кора од портокал. Добар апетит!
