Потребно:
- 300 гр малини (свежи или замрзнати)
- 250 гр грчки јогурт
- 200 гр брашно
- 180 гр шеќер
- 100 мл масло
- 3 јајца
- 1 ванилин шеќер
- 1 прашок за печиво
- Кора од еден лимон
- Прстофат сол
Подготовка: Загрејте ја рерната на 180°C. Калапот за печење покријте го со хартија за печење. Јајцата и шеќерот пенасто изматете ги, додадете ванилин шеќер и малку сол. Измешајте ги со маслото, јогуртот и ренданата кора од лимон. Брашното измешајте го со прашокот за печиво и постепено додадете го во смесата. На крајот нежно измешајте ги малините. Истурете ја смесата во подготвениот калап и печете 35-40 минути. Оставете го колачот да се излади пред да го исечете и послужите. Добар апетит!
