Потребно:
- 230 омекнат путер
- 150 шеќер
- 4 јајца
- 230 гр брашно
- 1 прашок за печиво
- 1 прстофат сол
- 1 лажица кора од лимон
За преливот:
- 2 супени лажици сок од лимон
- 85 гр шеќер во прав
Подготовка: Загрејте ја рерната на 180 степени. Изматете го омекнатиот путер и шеќерот. Мешајте додека смесата не стане кремаста, а потоа додавајте ги јајцата едно по едно, внимателно мешајќи. Додадете брашно, прашок за печиво, сол и кора од лимон и мешајте додека добро не се соединат сите состојки. Обложете го калапот за леб (8 x 21 см) со хартија за печење и истурете ја смесата. Со лажица израмнете ја смесата. Печете од 45 до 50 минути. Додека колачот се лади, направете го преливот со мешање на сок од 1 ½ лимон и шеќер во прав. Со вилушка прободете го колачот и прелијте го со преливот. Преливот ќе се впие, а шеќерот ќе создаде убава крцкава кора. Оставете го колачот во калап додека целосно да се излади пред послужување. Добар апетит!
