РЕЦЕПТ НА ДЕНОТ: Колач со пудинг и јаболки

Секој колач е сладок, но само одредени вкусови имаат толку поврзаност со рецепторите за вкус кои веднаш ве враќаат во детството. Но, овој рецепт за колач со ванила пудинг и јаболка, освен што ќе ги заслади вашите непца,  најверојатно ќе направи да се чувствувате носталгично.

Потребно:

За тестото:

  • 250 гр брашно
  • 1 јајце
  • 100 гр шеќер
  • 100 гр стопен маргарин
  • 1 ванилин шеќер
  • прашок за печиво

За полнење:

  • 1 пудинг од ванила
  • 3 лажици шеќер
  • 1 ванилин шеќер
  • 450 мл млеко
  • 1 кисела павлака
  • 4-5 јаболка
  • 1 лажица шеќер
  • 1 лажичка цимет
  • 1 лажичка путер

Подготовка: Сварете го пудингот според упатството и додадете павлака. Излупете ги јаболката и исечете ги на коцки и пропржете ги на лажичка путер, па додадете една лажица шеќер, ванилин шеќер и една лажичка цимет. Варете десет минути, повремено мешајќи. Расукајте го тестото, одвојте една третина од него, остатокот префрлете го во плех, покријте го со пудинг и наредете ги јаболката. Посипете со малку цимет и ванилин шеќер, изрендајте го остатокот од тестото и печете на 180 степени околу 45 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ