Потребно:
- 1 лажица несолен путер (за подмачкување на тавата)
- 3 шолји вишни без семки
- 1 шолја полномасно млеко
- 1/2 чаша шеќер
- 3 јајца
- 1 лажица рум
- 2 лажички екстракт од ванила
- 1/2 шолја брашно
- Прстофат морска сол
- Шеќер во прав (за посипување)
Подготовка: Загрејте ја рерната на 180°C. Тавата за пита со дијаметар од 23 см добро намачкајте со путер. Рамномерно распоредете ги вишните по дното на тавата.(Ако користите замрзнати вишни, прво одмрзнете ги и убаво исцедете ги). Во блендер измешајте млеко, шеќер, јајца, рум, ванила, брашно и сол. Матете додека не добиете мазна смеса. Истурете ја смесата врз вишните, нежно протресувајќи ја тавата за рамномерно да се распореди тестото. Печете 50-55 минути, додека не порумени и нарасне. Оставете да се излади 20 минути, а потоа посипете со шеќер во прав. Добар апетит!
