Потребно:
- 150гр бело брашно
- 150гр интегрално брашно
- 1 кафена лажичка цимет
- ¼ кафена лажичка прашок за печиво
- 1 кафена лажичка сода бикарбона
- ¼ кафена лажичка сол
- 150гр шеќер
- 150гр растопен путер
- 3 јајца
- 1 ванилин шеќер
- 1 морков (ситно изрендан)
- 2 тиквици (ситно изрендани)
Подготовка: Рерната загрејте ја на 180 степени. Помало тавче обложете го со хартија за печење. Во еден сад измешајте ги сите суви состојки. Во друг, поголем сад изматете ги јајцата, растопениот путер (малку оладен) и убаво промешајте. Додадете го зеленчукот и повторно лесно промешајте. Постепено, со мешање додавајте ги сувите состојки. Добиената смеса префрлете ја во тавчето и печете додека колачот не добие златно-жолта боја, односно додека не го помине тестот со чепкалка (се боде колачот и ако не остане тесто на чепкалката, значи дека е печен). Се остава колачот да се олади на собна температура. Се служи топол, не врел.
