Потребно:
- 2 кг излупена и исчистена тиква
- 800 гр кафеав шеќер или друг засладувач
- 1 лажица каранфилче
- 1/2 корен од ѓумбир
- Лимон
- 2 лажици јаболков оцет
- 2 литри вода
Подготовка: Исчистената тиква исечена на коцки сварете ја половина час во зовриена вода во која сте додале оцет, па исцедете ја. Во течноста додадете шеќер и каранфилче и оставете да зоврие, па додадете тенки парчиња лимон со парчиња ѓумбир. Овошјето ставете го во тегли, покријте го со изладениот шеќерен сируп и зачините. Затворете и варете во тенџере за стерилизирање околу 15 минути. Добар апетит!
