Потребно:
- 1 прашок за печиво
- 2 лажици какао
- 250 гр брашно
- 1 дл масло
- 1 кесичка ванилин шеќер
- 1 дл млеко
- 5 јајца
- 250 гр шеќер
За кремот:
- 8 дл млеко
- 3 кесички ванилин шеќер
- 2 пудинзи од ванила
За преливот:
- 4 дл павлака
- 6 лажици шеќер во прав
Подготовка: Пудингот сварете го со ванилиниот шеќер и млекото според упатството на пакувањето, па оставете го да се излади. Започнете со подготовка на тестото. Измешајте ги жолчките со шеќерот и другите состојки, па додадете го снегот од белки. Смесата излијте ја во тавче за печење, па со лажица додавајте парчиња од изладениот пудинг. Печете сè заедно на 180 °C 30-40 минути. Павлаката измешајте ја со шеќерот и премачкајте го колачот, па печете уште 10 минути. Добар апетит!
