Потребно:
- 10гр свеж квасец
- 100мл млако млеко
- 1 ванилин шеќер
- 3 лажици шеќер
- 1 јајце
- Малку сол
- 300гр брашно
- 30гр путер (на собна температура)
- 1 јајце за премачкување
Подготовка: Квасецот растопете го во млекото, потоа додадете го ванилиниот шеќер, шеќерот, јајцето и солта и се заедно изматете. Потоа додадете го брашното (оставете само 1 лажица). Замесете тесто, па додадете ја и одвоената лажица брашно. Повторно замесете и додадете го путерот и со рака се соединете. Оставете го тестото да одмори еден час. Потоа премесете го и развлечете во кора со дебелина од 4-5мм. Со чаша вадете крофни. Наредете ги во тавче обложено со хартија за печење. Оставете да отстојат уште половина час. Со помала чаша може да направите и вдлабнатина во средината. Премачкајте ги со другото јајце и печете на 180 степени, околу 25 минути. Може да ги филувате и пред печење или откако ќе бидат готови. По желба, наросете и шеќер во прав.
