Потребно:
- 100 гр овесни снегулки (или овесно брашно)
- 1 лажица какао
- 1 банана (или шака урми)
- 1 лажица путер од јаткасти плодови по ваш избор (фстаци, бадеми, индиски ореви, пекан…)
За глазурата:
- 120 гр темно чоколадо
- Сечкани лешници
Подготовка: Добро изгмечете ја бананата (или урмите) додека не добиете мазна паста. Додадете ги овесните снегулки и какаото, а потоа соединете ги во хомогена смеса. Додадете го путерот по ваш избор. Распоредете ја смесата во силиконски калап за крофни, притиснете и сплескајте. Ставете ги во фрижидер за да се стегнат крофните околу 1-2 часа. Извадете ги крофните од калапот и потопете ги во стопено темно чоколадо измешано со сечкани лешници. Оставете глазурата да се стегне пред сервирање. Добар апетит!
