РЕЦЕПТ НА ДЕНОТ: Крцкави чоколадни корпи со кремаст фил

Крцкавите чоколадни корпи со кремасто полнење се совршен спој на текстури и вкусови, спојот на богата чоколада и свиленкаста крема обезбедува вистинско гурманско уживање. Освен што изгледаат привлечно и елегантно, тие се идеални за послужување во специјални прилики или кога сакате да ги импресионирате гостите со нешто поинакво. Тие се едноставни за подготовка, но оставаат впечаток на префинет десерт од слаткарница. Секоја корпа е мала експлозија на задоволство, совршен залак за крај на оброкот.

Потребно:

  • 200 гр темно чоколадо
  • 200 мл слатка павлака
  • 1 лажица шеќер во прав
  • 100 гр маскарпоне
  • малку ванила или ½ капаче рум
  • Свежи јагоди, боровинки или рибизли за декорација

Подготовка: Чоколадото растопете го на пареа или во микробранова печка. Премачкајте ги силиконските или хартиени корпички со стопено чоколадо (со четка или со задниот дел од лажицата). Ставете ги во фрижидер 15 минути и потоа повторете ја постапката за да бидат поцврсти. Кога ќе се стврднат, внимателно извадете ги од калапот. Изматете ја павлаката со шеќерот, додадете ги маскарпонето и ванилата. Наполнете ги корпите со крем и украсете ги со овошје. Добар апетит!

ПОВРЗАНИ НАПИСИПОВЕЌЕ ОД АВТОРОТ