Потребно:
- Пилешки гради, количина по избор
- Јогурт
- Зачини: сол, црн бибер, мелена пиперка, чили, лук во прав, кари, оригано, куркума, по желба
- Лебни трошки
Подготовка: Пилешките гради исечете ги на помали парчиња, ленти, како што сакате. Зачините додадете ги во месото. Не мора да ги ставите сите зачини, може да ги изберете оние што ги сакате и вообичаено ги користите. Додадете јогурт толку да се убаво се измеша, да сите парчиња бидат прелиени, но не и да пливаат во јогурт. Вака измепаното месо ставете го 30 минути во фрижидер, а може и подолго ако имате време. Пилешкото вадете го од маринадата и валкајте го во лебните трошки, да биде убаво покриено од сите страни. Ставајте ги на загреано масло и пржете неколку минути од сите страни. Како прилог може да послужите зеленчук по желба или сос што го сакате. Добар апетит!
