Потребно:
- 4 јајца
- 200гр омекнат путер
- 150гр шеќер
- 1 ванилин шеќер
- 320гр брашно
- 2 лажички прашок за печиво
- 100мл млеко
- 2 лажици какао
- 100гр стопено чоколадо
Подготовка: Подгответе го калапот за куглоф така што ќе го премачкате со масло. Чоколадото исечкајте го на помали делови и стопете го на пареа. Путерот и шеќерот кремасто изматете ги, па додавајте едно по едно јајце. Додадете го и брашното измешано со какаото, прашокот за печиво, ванилиниот шеќер, а потоа и млекото и стопеното чоколадо. Мешајте се додека состојките убаво не се соединат и не добиете кремаста смеса. Пред крај, според желба и вкус, може да додадете уште 100гр парчиња чоколадо и со лажица измешајте. Ставете го тестото во калапот и печете на 180 степени, околу 35-40 минути. Кога ќе се олади, наросете го колачот со шеќер во прав или сечкани бадеми.
