Потребно:
- 2 јајца
- 150 гр шеќер
- 230 мл млеко
- 100 мл масло
- 300 гр брашно
- 10 гр прашок за печиво
- 10 гр ванилин шеќер
- 200 гр суво грозје
Подготовка: Загрејте ја рерната на 180 степени и добро намастете калап од 22 сантиметри. Сувото грозје потопете го во малку ладна вода да омекне, па процедете го. Во сад се ставаат јајцата, шеќерот, ванилиниот шеќер и се миксираат додека не се добие густа, светло обоена смеса. Додадете млеко и масло и измешајте со жица за матење. Додадете брашно, прашок за печиво и мешајте додека не добиете еднолична смеса. На крајот додадете го сувото грозје и измешајте со шпатула. Истурете ја смесата во калапот, ставете ја во рерна и печете додека врвот на колачот не порумени, приближно 30 до 40 минути. Се вади од рерна и се остава во калапот 15 минути, внимателно се превртува и се остава на решетка да се излади. По желба наросете со шеќер во прав или прелијте со сируп од шеќер и портокал. Добар апетит!
