Потребно:
За тестото:
- 5 јајца
- 5 лажици шеќер
- 2 лажици масло
- 5 лажици брашно
- 1 прашок за печиво
За кремот од портокал:
- 1 л сок од портокал
- 3 пудинзи од ванила
- 5 лажици шеќер
- Околу 18 парчиња бисквити
Бел крем:
- 1 литар млеко
- 100 гр густин
- 1 ванилин шеќер
- 7 лажици шеќер
- 125 гр путер или маргарин
Чоколадна глазура:
- 100 гр чоколадо
- 100 мл слатка павлака
Подготовка: Пенасто изматете ги јајцата со шеќерот, па додадете го маслото, брашното и прашокот за печиво и нежно измешајте. Тавчето за печење подмачкајте го со масло и истурете ја смесата. Печете 20 минути на 180 степени. Додека се пече тестото, подгответе го кремот од портокал. Во сад се ставаат 3 пудинзи од ванила, се додава шеќерот и дел од сокот од портокал и се меша да нема грутчиња. Остатокот од сокот истурете го во друг сад да се вари. Кога ќе зоврие тргнете го од оган и додадете го пудингот. Вратете на помал оган да зоврие. Врз готовото тесто прелијте го со кремот од портокал. И тестото и кремот мора да бидат топли за да не се одвојат. Наредете ги бисквитите врз жолтиот крем. Подгответе го белиот крем и прелијте го врз бисквитите. Кога ќе се излади, направете ја чоколадната глазура и прелијте ја врз колачот. Добар апетит!
