РЕЦЕПТ НА ДЕНОТ: Лазања од тиквици

Лазањата е познато италијанско јадење направено од тесто, сос и бешамел. Но, денес многу луѓе на рецептите им даваат свој печат, па менуваат некои состојки за да направат уште повкусни јадења. Сезона е на тиквички и идеално време е да ги искористите на вистински начин. Ви предлагаме да направите лазањи од пржени тиквички со пршута и кашкавал.

Потребно:

  • 1 тиквичка
  • 180 гр кашкавал
  • 50 гр презла
  • 1-2 лажички италијански зачин
  • 1 лажичка лук во прав
  • 120 гр сланина или пршута

Подготовка: Тиквичките исечкајте ги тенко по должина. Посолете ги и оставете ги да се исцедат, а потоа избришете ги со крпа. Валкајте ги во презлата што сте ја измешале со италијанскиот зачин и лукот во прав. Редете ги во тавче обложено со хартија за печење. Зачинете со сол и бибер, па одозгора наредете пршута или сланина и одозгора рендан кашкавал. Така редете додека не ги потрошите состојките, а последниот ред треба да биде рендан кашкавал. Се пече во рерна загреана на 180°C околу 40 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ