Потребно:
- 600 гр компири
- 500 гр брашно (тип 500)
- 1 квасец (околу 7 гр)
- 1 лажица шеќер
- 1 лажичка сол
- 2 лажици маслиново масло (или друго масло по ваш избор)
- 200 мл млака вода
Подготовка: Измијте ги, излупете ги и исечкајте ги компирите на помали парчиња и сварете ги во солена вода додека не омекнат. Откако ќе се сварат, исцедете ја водата и добро изгмечете ги да добиете пире. Во посебен сад измешајте ги квасецот, шеќерот и млаката вода. Оставете ја смесата да отстои неколку минути додека не се активира квасецот, односно додека не почне да создава меурчиња на површината. Во голем сад просејте ги брашното и солта. Додадете го пирето од компири и активираниот квасец. Измешајте ги сите состојки додека не добиете компактно тесто. Тестото префрлете го на малку набрашнета површина и месете приближно 10-15 минути или додека не стане мазно и еластично. Ако е премногу лепливо, додадете малку брашно. Тестото вратете го во садот, премачкајте го со маслиново масло и покријте го со крпа. Оставете го на топло место околу 1-2 часа или додека не се удвои во големина. Калапот за печење премачкајте го со маслиново масло или обложете го со хартија за печење. Тестото префрлете го во калапот и обликувајте го по желба. Покријте го повторно со крпа и оставете го уште 30-60 минути. Загрејте ја рерната на 200 °C. Пред да го ставите лебот во рерна, можете да го премачкате со малку маслиново масло и по желба посипете со сол или семки. Печете го околу 30-40 минути или додека не порумени. Извадете го лебот од рерна и оставете го да се излади неколку минути пред да го исечете. Добар апетит!
