РЕЦЕПТ НА ДЕНОТ: Летна капрезе салата

Оваа едноставна салата носи допир на Италија на вашата маса со нејзината боја и вкусови. Станува збор за Капрезе салата, но со шери домати. Готова за миг и освежителна, таа е идеален ручек за топлите летни денови. Може да ја послужите како прилог или со свеж леб како комплетен оброк.

Потребно:

  • 2 шолји преполовени шери домати
  • 1 топче моцарела исечкано на кругови
  • 1/2 шолја сечкан свеж босилек
  • 2 лажици маслиново масло
  • 2 лажици балсамико оцет
  • Сол и црн пипер по вкус

Подготовка: Во голем сад измешајте ги шери доматите, моцарелата и исечканиот босилек. Посолете и додадете црн пипер по вкус. Прелијте со маслиново масло и балсамико оцет. Убаво измешајте ги сите состојки. Добар апетит!

ПОВРЗАНИ НАПИСИПОВЕЌЕ ОД АВТОРОТ