Потребно:
- 250 г маскарпоне сирење
- 50 г шеќер во прав
- 125 г бисквити
- 60 г мелени бадеми или сечкани бадеми
- Кора од еден лимон (ситно рендана)
- Сок од половина лимон
- Кокосово брашно за валкање
Подготовка: Во мал сад измешајте го маскарпонето и шеќерот во прав. Добро измешајте за да се соединат состојките. Во голем сад, со рацете скршете ги бисквитите на помали парчиња. Додадете ги бадемите, смеса од маскарпоне, ренданата кора од лимон и сокот од лимон. Сè добро измешајте додека не добиете цврста, еднолична смеса. Земете мала количина од смесата (приближно со големина на орев) и обликувајте ја во топчиња. Секое топче извалкајте го во кокосово брашно така што ќе биде фино обложено од сите страни. Наредете ги бомбиците на чинија и ставете ги во фрижидер да се стегнат – доволно е околу 30 минути. Добар апетит!
