Потребно:
- 300 мл млеко
- 3 лажици шеќер
- 1 лажичка екстракт од ванила
- 1 јајце
- 2 лажици пченкарен скроб
- 2 јаболка
- 20 гр путер
- 2 пакувања лиснато тесто
За премачкување:
- 1 жолчка од јајце
- 1 лажица млеко
За декорација:
- Лешници или ореви
- Шеќер во прав
Потребно: Во тенџере измешајте млеко, две лажици шеќер и екстракт од ванила. Потоа додадете го изматеното јајце и скробот и сè убаво измешајте. Гответе додека не се згусне со постојано мешање. Покријте со проѕирна фолија, па оставете да се излади околу половина час. Јаболката изрендајте ги, па ставете ги во тавче. Додадете путер и една лажица шеќер, па измешајте. Пржете уште неколку минути. Извадете ги јаболката во чинија и оставете ги да се изладат. Лиснатото тесто развлечете го тенко, а потоа со калап исечете голем круг. Премачкајте го со фил, па посипете со јаболки. Одозгора ставете го другото лиснато тесто кое сте го расукале и исекле на ист начин како претходно. Добро прицврстете ги рабовите, за да не истече филот. Исечете триаголници и свиткајте во кифлички. Кифличките наредете ги на плех обложен со хартија за печење, па премачкајте ги со жолчката која сте ја изматиле со млекото. Посипете со сечкани лешници или ореви и печете во загреана рерна на 180°C околу 35 минути. Кога ќе бидат готови наросете со шеќер во прав. Добар апетит!
