Потребно:
За кората:
- 250 гр путер или маргарин
- 125 гр шеќер во прав
- ½ кесичка прашок за печиво
- 4 жолчки
- 4-5 лажици кисела павлака
- 500 гр брашно
- кора од еден лимон
За кремот:
- 500 мл млеко
- 5 лажици брашно
- 200 гр шеќер во прав
- 200 гр путер или маргарин
- 1-2 лажици рум или сок од лимон (за арома)
- џем од вишни (или слично, за премачкување)
Подготовка: Од сите состојки за кората се замесете тесто и оставете го да отстои околу 30 минути. Од него развлечете четири кори со димензии приближно 25 × 35 см. Печете ги на хартија за печење во рерна загреана на 170°C додека рабовите не почнат да добиваат светла боја (10-15 минути). Во половина млеко сварете го шеќерот. Во другата половина измешајте го брашното и варете додека смесата не се згусне. Изладете ја згуснатата смеса, а потоа измешајте го омекнатиот путер и додадете рум или сок од лимон за вкус. Првата кора тенко премачкајте ја со џем од вишни. Врз неа ставете ја втората кора и премачкајте со крем. Потоа нанесете ја третата кора, намачкајте ја со џем и завршете со четвртата кора. Лесно притиснете го колачот и оставете добро да се излади за да се залепат корите и да се впие џемот. Добар апетит!
