Потребно:
- 240 мл вода
- 120 мл масло
- 240 гр брашно тип 400
- 1 кесичка прашок за печиво
- 4 јајца
За филот:
- 3 кесички пудинг од ванила
- 700 мл млеко
- 8 лажици шеќер
- 250 гр маргарин
- 1 кесичка шлаг
Подготовка: Трите кесички пудинг измешајте ги во 200 мл млеко, а на шпорет ставете 500 мл млеко со шеќер да проврие и да се свари пудингот. Кога ќе се олади филот, изматете го маргаринот со миксер и се соединете. Оставете малку да отстои, а потоа во филот додадете го изматениот шлаг. За да ги подготвите крофните, зовријте ја водата со маслото. Тргнете го од оган и додадете го брашното со прашокот за печиво и убаво измешајте. Оставете да се излади, па додадете ги јајцата и мешајте со рака. Откако убаво ќе изамесите, на плех обложен со хартија за печење, вадете ги крофните со полна кафена лажица. Печете ги во рерна околу 15-20 минути. Крофните исечете ги на половина и полнете ги со подготвениот фил. Украсете по желба со шеќер во прав. Добар апетит!
