Потребно:
За тестото:
- 5 јајца
- Прстофат сол
- 150 гр шеќер
- 200 гр брашно
- 1 прашок за печиво
- 200 мл млеко
- 100 мл масло
- 120 гр мелени ореви
За кремот:
- 600 мл млеко
- 2 пудинзи од ванила
- 150 гр шеќер
- 1 лажичка арома на ванила
- 250 гр маргарин (или путер)
И уште:
- Мелени ореви за посипување (околу 50 гр.)
Подготовка: Пудингот измешајте го во малку млеко, а остатокот од млекото со шеќерот и аромата ванила ставете го на оган да зоврие. Тргнете од оган и измешајте го пудингот, долевајќи во тенок млаз и цело време мешајќи со жица. Вратете на средна температура и варете неколку минути додека не се згусне. Тргнете го од оган, покријте со проѕирна фолија и оставете собна температура да се излади. Изладениот пудинг убаво изматете го со миксер додека не се изедначи целосно, а потоа парче по парче го додавате омекнатиот маргарин и го матите во пенеста крема. Во сад ставете ги јајцата, солта и шеќерот и со миксер пенесто изматете ги. Постепено додавајте го брашното измешано со прашокот за печиво. Полека додавајте го млекото мешајќи на најмала брзина, па маслото и на крај измешајте ги мелените ореви. Смесата истурете ја во плех обложен со хартија за печење и печете во загреана рерна на 180 степени 20 минути, до златно кафеава боја. Изладете го тестото и одвојте го од хартијата и исечете го на два дела по дебелина. На соодветна површина ставете го едниот дел од тестото, премачкајте го со половина од кремот, поклопете со другата половина од тестото, премачкајте со остатокот од кремот и украсете со мелени ореви. Изладете, најдобро преку ноќ, а потоа исечете на коцки. Добар апетит!
