Потребно:
За тестото:
- 170 гр путер (омекнат)
- 100 гр шеќер во прав
- 2 жолчки
- 300 гр брашно
- 2 лажички сода бикарбона
За филот:
- 150 гр шеќер
- 2 кесички ванилин шеќер
- 200 гр мелен мак
- 100 гр путер
- Рендана кора од 1/2 лимон
- 200 мл млеко
- 2 белки
Подготовка: Изматете го омекнатиот путер со шеќерот во прав. Додадете ги жолчките и добро измешајте. Промешајте го брашното измешано со сода бикарбона и замесете мазно, ронливо тесто. Поделете го тестото на два дела – едниот дел треба да биде малку поголем. Ставете го во фрижидер додека го подготвувате филот. Во тенџере ставете ги млекото, шеќерот и ванилиниот шеќер, додадете путер и загрејте додека не се растопи. Додадете го мелениот мак и кората од лимон, варете неколку минути додека смесата не се згусне. Оставете да се излади. Изматете ги белките додека не се стегнат и внимателно измешајте ги во изладениот мак. Поголемиот дел од тестото развлечете го и префрлете го во плех со димензии приближно 33 x 29 см, обложен со хартија за печење. Над кората рамномерно распоредете го филот. Преостанатиот дел од тестото изрендајте го преку филот. Печете во рерна загреана на 160°C (со вентилатор) околу 25 минути, додека површината не добие малку златна боја. Изладете, посипете со шеќер во прав и исечете на коцки. Добар апетит!
