Потребно:
За тестото:
- 300 гр маргарин
- 700 гр брашно
- 2 цели јајца и 2 жолчки
- 200 гр шеќер
- 1 ванилин шеќер
- Кора од лимон
- 500 мл млеко
- 1 грст мелени ореви
За полнењето:
- 1 кг вишни (замрзнати, без семки)
- 100 гр гриз
- 100 гр шеќер
Подготовка: Измешајте го брашното со омекнат маргарин, додадете го шеќерот, ванилиниот шеќер, кората од лимон, јајцата и млекото и замесете мазно, меко тесто. Месете додека не престане да се лепи на површината на масата. Загрејте ги вишните на тивок оган, а потоа измешајте го гризот и варете додека не се впие целиот сок. Добро изладете, па додадете шеќер. Тавчето премачкајте го со тенок слој на маргарин, а потоа со рака распоредете 3/5 од тестото рамномерно по површината и малку подигнете ги рабовите по страните на тавчето. По тестото посипете малку мелени ореви. Врз тестото премачкајте го изладениот фил од вишни, а преку него остатокот од тестото вака: на набрашнета маса развлечете го според големината на тавчето, па намотајте го на сукалото и префрлете го о тавчето. Со прстите притиснете ги страните на тестото, со вилушка прободете ја питата по целата површина и премачкајте со една белка од јајце. Печете на 200-220 степени додека убаво порумени. Кога ќе се олади, со остар нож исечете го на помали коцки и посипете го со шеќер во прав. Добар апетит!
