Потребно:
- 4 јајца
- 100гр шеќер
- 4 лажици брашно
- 1 прашок за печиво
- 400гр чоколадо за готвење
- 500мл слатка павлака
- 1 маргарин
Подготовка: Одвојте ги белките од жолчките. Од белките изматете цврст снег и оставете го настрана. Потоа во друг сад, изматете ги жолчките со шеќерот. Во оваа смеса додадете го брашното и прашокот за печиво. На рингла во тенџере стопете го маргаринот со 200 гр чоколадо за готвење. Кога ќе се стопат и соединат, ставете ги во садот со жолчките и полека со рачна жица за матење соединете ги. Потоа со лажица додадете го снегот од белки. Во намастено тавче за печење ставете ја смесата и печете на 180 степени – 20 минути. Оставете колачот да се олади. Во меѓувреме ставете ја слатката павлака во тенџере и на рингла оставете да се загрее заедно со уште 200 гр чоколадо за готвење. Врз оладениот колач ставете ја оваа смеса. Оставете да отстои преку ноќ и следниот ден уживајте во вкусот. Добар апетит!
