Потребно:
- 400гр тестенини
- 350гр мелено месо
- 250мл пасирани домати
- 125гр путер
- 100гр корен од целер
- 120мл млеко
- 80гр ементалер кашкавал
- 200гр моцарела
- 80гр брашно
- 100мл црно вино
- 1 морков
- 4 лажици доматно пире
- Маслиново масло
- Црн пипер
- Сол
- Зачини по желба
Подготовка: На путер пропржете го брашното додека малку порумени. Тргнете го од оган и додадете го врелото млеко со непрекинато мешање. Додадете го ренданиот кашкавал, малку сол и бибер. Вратете го сосот на оган и постојано мешајте додека не ја добие саканата густина. Во друг сад ставете го путерот и маслиновото масло. Динствувајте ги сечканите моркови и целер. Додадете го месото и постојано мешајте. Додадете го пасираниот домат, концентрат од домати (пире) и мешајте уште десет минути. На крајот додадете ги зачините по желба, сол и црн пипер. Оставете го на тивок оган да се вари околу 10 минути. Подгответе огноотпорен сад и намачкајте го со путер. По ред редете – тесто за лазањи, бешамелот и болоњезе сосот со мелено месо. Повторувајте ја постапката додека не ги потрошите сите состојки. Последниот ред треба да го завршите со слој тесто, бешамел и кришки моцарела. Ставете во загреана рерна на 180 °C да се пече околу 45 минути. Добар апетит!
