РЕЦЕПТ НА ДЕНОТ: Најлесен рецепт за најмеки американски палачинки

Американските палачинки се десерт што никој нема да го одбие. Можете да ги послужите за појадок, но и кога ви се јаде нешто слатко, но постојат и солени верзии за оние кои повеќе ги сакаат од слатките. Може да се прелијат со мед, јаворов сируп, овошје, а може да се премачкаат и со џем, чококрем... Комбинации има безброј, а како ќе ги послужите зависи од вашиот вкус.

Потребно:

  • 1 шолја брашно
  • 2 лажици шеќер
  • 2 лажички прашок за печиво
  • 1 лажичка сол
  • 1 шолја млеко
  • 1 јајце
  • 2 лажици зејтин

Подготовка: Во сад измешајте ги брашното, шеќерот, прашокот за печиво и солта. Измешајте, па направете дупка во средината и ставете ги млекото, јајцето што претходно сте го изматиле и маслото. Сè добро соединете. Тавчето премачкајте го со зејтин, па кога ќе се загрее, истурете помала црпалка од смесата во средината. Смесата е густа и нема да се разлее. Кога ќе почнат да се појавуваат меурчиња свртете ја на другата страна. Послужете со прелив по желба. Добар апетит!

ПОВРЗАНИ НАПИСИПОВЕЌЕ ОД АВТОРОТ