Потребно:
- 1 пакување поситни тестенини
- 4 лажици оцет од ориз (може и сок од лимон или лимета)
- 1 жолчка
- 2 чешниња лук
- 1 голема конзерва туна
- 3 филети инчуни во масло
- 5 лажици маслиново масло
- 2 лажици масло од сусам
- 3 лажици соја сос
- Сол
- Црн бибер
- 1 врзоп млад кромид
- 2-3 домати
Подготовка: Сварете ги тестенините во солена вода и кога се готови, исцедете ги и измијте ги со студена вода да се оладат. Откако ќе се исцедат префрлете ги во голем длабок сад. Додадете го ситно исечканиот млад кромид и доматите. Во блендер ставете ги оцетот од ориз, жолчката, лукот, инчуните, маслиново масло, маслото од сусам, соја сосот, туната, солта и црниот бибер. Се заедно изблендирајте додека не добиете кремаст сос. Добиениот сос прелијте го врз тестенините, кромидот и доматите и убаво измешајте. Пробајте и додадете уште зачини по желба. Послужете ја салатата ладна. Добар апетит!
