Потребно:
- 150 г сирење
- 300 г пилешко филе
- 1 конзерва пченка
- 1 конзерва ананас
- 4 варени јајца
- 2 домати
- магдонос (по вкус)
- Сол и бибер по вкус
Подготовка: Сварете ги јајцата, излупете ги и исечете ги на коцки. Сварете го пилешкото филе во малку посолена вода, а потоа исечете го на мали парчиња. Исцедете ја конзервираната пченка и ананасот (доколку е потребно, исечете го ананасот на коцки). Сирењето исечкајте го на коцки, а доматите на кругови. Измешајте ги сите состојки во голем сад: месо, јајца, сирење, пченка и ананас. Додадете сечкан магдонос, сол и бибер по вкус. Внимателно измешајте ја салатата. Наредете ги круговите од домати околу работ на чинија за сервирање и ставете го остатокот од салатата во центарот. Оставете го во фрижидер да се олади пред сервирање. Добар апетит!
