Потребно:
- 1 пакување обланди
- 4 јајца
- 500 гр шеќер
- 2,5 дл млеко
- 250 гр маргарин
- 100 гр чоколадо
- 400 гр мелени бисквити
- 1 лажица рум
- 1 ванилин шеќер
- 100 гр мелени ореви
Подготовка: Јајцата и шеќерот се матат убаво, па се додава млекото. Гответе на тивок оган, а кога ќе зоврие додадете 250 гр маргарин и мешајте додека не се растопи. Потоа додадете го чоколадото. Се меша и се трга од оган, па се додаваат мелените бисквити, румот, ванилиниот шеќер и мелените ореви. Нежно измешајте сè. Ставете од филот на секоја кора обланда и добро притиснете ги и оставете преку ноќ да се стегнат. Добар апетит!
