Потребно:
За тестото:
- 400 гр брашно
- 250 мл млеко
- 1 кесичка квасец
- 80 гр шеќер
- 50 гр путер
- 1 јајце
- ½ лажичка сол
За филот:
- 120 гр путер
- 100 гр шеќер
- 150 гр мелени ореви
- 2 кесички ванилин шеќер
За преливот:
- 250 мл млеко
- 100 гр шеќер
- 2 кесички ванилин шеќер
Подготовка: Од горенаведените состојки замесете мазно тесто, па оставете го на страна да стаса. Откако ќе нарасне тестото премачкајте го со омекнат путер. Измешајте ги мелените ореви со шеќер и ванилин шеќер и рамномерно посипете го тестото, а потоа со помош на конец исечете го на ролати со дебелина од 1,5 до 2 сантиметри. Ролатите наредете ги во намастен плех, оставајќи малку простор меѓу нив бидејќи уште ќе нараснат. За тоа време загрејте ја рерната на 190 степени. По половина час ставете ги во рерна и печете околу 25 минути. Додека се печат ролничките, направете го преливот. Загрејте го млекото со шеќерот додека не се раствори шеќерот и додадете го ванилиниот шеќер и убаво измешајте. Извадете ги ролничките од рерна, покријте ги со преливот и вратете ги во исклучена рерна 5 до 10 минути, за преливот добро се впие. Добар апетит!
