Потребно:
- 2 лажици шеќер
- 100 мл млеко
- 10 г сув квасец или 4 г свеж
За тестото
- 700 г брашно
- 4 жолчки
- 100 г шеќер
- 250 мл млако млеко
- 60 г растопен путер
- 60 мл масло
- 2 ванилин шеќер
- 2 лажици рум
- 1 прстофат сол
- Кора од лимон
За филот:
- 600 г мелени ореви
- 180 г шеќер
- 240 мл топла павлака за шлаг
- 4 белки (+ прстофат сол + 2 лажици шеќер)
- 3 лажици рум
- 3 лажици чоколадо во прав
И уште:
- 1 јајце
- Малку млеко
Подготовка: Измешајте ги квасецот, млекото и шеќерот во сад и оставете го да се активира неколку минути. Измешајте го активираниот квасец и состојките за тестото. Замесете го тестото и оставете го да отстои еден час. Ставете ги наведените состојки за фил во сад и соединете. По еден час, расукајте го тестото, премачкајте го со филот и замотајте го. Ставете го во калап за куглоф и оставете го да отстои половина час. Премачкајте со јајце кое сте го изматиле со малку млеко. Печете на 180 степени околу 35 минути, потоа покријте со фолија што малку сте ја прободеле за да влезе воздух и печете уште 25 минути на 160 степени. Добар апетит!
