Потребно:
- 350 гр шпагети
- 200 гр панцета
- 4 цели јајца со средна големина
- 100 гр рендано пекорино романо сирење
- Свежо мелен црн пипер
- Крупна сол
Подготовка: Сварете ја водата за тестенините додека го подготвувате сосот за карбонара. Панцетата исечкајте ја на ситни парчиња (коцки, ленти… како што сакате) и пржете ја во тава на средна топлина околу 2 до 3 минути. Повремено мешајте за да рамномерно се пропржи. Колку повеќе се пржи панцетата, толку повеќе ќе се стопи маснотијата и месото ќе стане крцкаво. Не додавајте масло. Кога е подготвено, исклучете го огнот, покријте го со капак и оставете на страна. Во сад ставете ги јајцата и пекорино романо. Додадете свежо мелен црн пипер. Брзо измешајте со вилушка или рачна маталка за да направите кремаст сос. Водата сега треба да врие, посолете и сварете ги шпагетите ал денте. Со лажица за шпагети, исцедете ги тестенините кога ќе бидат готови. Потоа ставете ги во тавче, на силен оган, убаво да се соединат со панцетата. Штом ќе слушнете шуштење, веднаш исклучете ја топлината, инаку јајцата ќе се преварат и ќе добиете каша. На жешките шпагети брзо додајте ги јајцата и кремот од пекорино и измешајте. Тавата не треба да биде премногу топла, така јајцата ќе се сварат без грутки. Треба да добиете кремаста, но не и течна текстура. Шпагетите карбонара веднаш послужете ги. Добар апетит!
