Потребно:
- 2 кутии пишкоти
- 250 мл млеко
За кремот:
- 100 гр маргарин
- 100 гр шеќер во прав
- 3-4 чаши кисела павлака
- 500 мл слатка павлака
- 1 кесичка желатин
- 500 гр овошје по избор (јагоди, малини или нешто друго)
Подготовка: Маргаринот изматете го со шеќерот во прав. Додадете ја киселата павлака и сечканото овошје. Желатинот прелијте го со 4 лажици ладна вода и оставете го да набабри. Изматете ја слатката павлака, измешајте со растопениот желатин и смесата со овошје и сè убаво соединете. Во правоаголен сад наредете ред пишкоти натопени во млеко, премачкајте со половина од кремот, прекријте со уште еден ред пишкоти, па премачкајте ги со остатокот од кремот и измазнете. Колачот изладете го фрижидер. По желба украсете со коцки свежо овошје. Добар апетит!
