Потребно:
- 700 гр сварена палента
- 3 јајца
- 500 гр сирење или урда
- 200 гр сланина
- Прстофат морска сол
- Прстофат црн пипер
- 1 павлака
- Масло
- Млад кромид
Подготовка: Загрејте ја рерната на 200 степени. Сварената палента оставете ја да се олади, а потоа иситнете ја со вилушка. Поголемиот дел распоредете го во намрсен огноотпорен сад. Во тавче пропржете ја сечканата сланина, па додајте ги изматените и зачинети јајца и исто така пропржете ги. Веднаш потоа измешајте го сирењето и смесата распоредете ја врз целата палента. Преку тоа посипете ја преостанатата сечкана палента, па врз палентата наросете уште малку сирење и прелијте ја со изматената павлака. Печете во загрена рерна 20-тина минути. Извадете ја од рерна, па по желба наросете со сечкан млад кромид. Добар апетит!
