Потребно:
- 1,5 кг компири
- 1 главица брокула
- сол и бибер по вкус
- 40 г путер
- 2 лажици брашно
- 200 мл млеко
- Малку сечкан магдонос
- 100 г моцарела
Подготовка: Излупете ги компирите, исечете ги на кругови и варете ги во солена вода додека не омекнат, но не се распаднат. Измијте ја брокулата, одделете ја на цветчиња и кратко бланширајте во врела вода (2-3 минути), потоа процедете. Растопете го путерот во тава, додадете го брашното и мешајте додека не замириса. Прелијте го млекото и гответе со постојано мешање додека не добиете густ бешамел сос. Додадете сол и бибер по вкус. Намастете огноотпорен сад и наредете ред компири. Ставете ја брокулата одозгора и прелијте ја со бешамел сосот. Повторувајте додека не ви снема состојки. Завршете со слој компири, наросете со моцарела и сечкан магдонос. Печете во рерна загреана на 180 °C 25–30 минути, додека сирењето не се растопи и не добие златна боја. Добар апетит!
