РЕЦЕПТ НА ДЕНОТ: Печени круши со ванила како совршен десерт за студени денови

Печените круши со ванила се префинет, а едноставен десерт кој многумина освојува со својата сладост и арома. Печењето на крушите ги прави меки и сочни, а нивната природна сладост е дополнително нагласена со додавање на ванила.

Потребно:

  • 4 зрели круши
  • 2 лажици мед или јаворов сируп
  • 1 лажичка екстракт од ванила
  • 1 шака грубо сечкани ореви или бадеми (по желба)
  • Прстофат цимет

Подготовка: Загрејте ја рерната на 180 °C. Измијте ги крушите, исечете ги на половина по должина и извадете ги семките со мала лажица. Во мал сад, измешајте го медот и екстрактот од ванила. Наредете ги крушите, со пресечената страна нагоре, на плех обложен со хартија за печење и премачкајте ги со подготвената смеса. Посипете со цимет и ореви или бадеми. Печете 20-25 минути, додека крушите не омекнат (ножот треба лесно да поминува низ месото) и лесно да се карамелизираат по рабовите. Сервирајте топли или млаки. Добар апетит!

ПОВРЗАНИ НАПИСИПОВЕЌЕ ОД АВТОРОТ