Потребно:
- 300–400 г пилешко месо (гради или бут без коска)
- 1 среден кромид
- 1 морков
- 1 мал компир (по желба – дава густина)
- 1 чешне лук
- 1 лажица путер или маслиново масло
- 1 лажица брашно
- околу 1 литар вода или благ пилешки бујон
- 100 мл млеко или павлака за готвење
- сол по вкус
- малку бибер (по желба, може и да се изостави за деца)
- малку магдонос
Подготовка: Пилешкото месо исечкајте го на покрупни парчиња и ставете го да се вари во вода со малку сол. Кога ќе омекне, извадете го, а течноста зачувајте ја. Во тенџере растопете путер (или загрејте масло) и додајте го ситно сечканиот кромид. Пропржете кратко додека стане стаклест. Додадете го ренданиот морков, ситно сечканиот компир и лукот. Промешајте и оставете да се динствува 2–3 минути. Додаете ја лажицата брашно, брзо промешајте и постепено налевајте од течноста во која се вареше пилешкото, мешајќи за да нема грутки. Додадете го пилешкото месо и оставете ја чорбата да крчка 10–15 минути, додека зеленчукот целосно не омекне. Со рачен блендер изблендирајте ја чорбата до кремаста текстура. Додадете млеко или павлака, промешајте и загрејте уште 1–2 минути (да не зоврие силно). По потреба додадете сол и многу малку бибер. На крај посипете со ситно сечкан магдонос. Добар апетит!
