РЕЦЕПТ НА ДЕНОТ: Пилешка витаминска супа – сојузник против настинки

Топлата пилешка супа е добро познат сојузник во борба против настинка. Пилешкото месо содржи високо ниво на аминокиселината цистеин, која помага во искашлување на слузта наталожена во белите дробови. Додадете и на супата свеж зеленчук и ќе добиете уште посилен сојузник во променливите есенски денови. Со додавањето кромид го зголемувате нивото на антиоксидантот кверцетин, а со со само неколку парчиња целер и морков го зголемувате процентот на бета каротен, витамин А и калиум.

Потребно:

  • 500гр пилешко месо
  • 1 кромид
  • 1 помала тиквичка
  • Парче целер
  • 3 моркова
  • 3 компира
  • Сол
  • Бибер

Подготовка: Во тенџере ставете околу еден до два литри вода. Ставете го пилешкото месо (најдобро е да изберете месо со коска) и оставете да се вари 20 минути. Во меѓувреме, на рингла, во алуминумска фолија завиткајте го исчистениот кромид и оставете да се запече од сите страни, а потоа додадете го во тенџерето со пилешкото. Зачинете по желба и оставете да се вари на средна температура. По 10 минути, исечканиот зеленчук ставете го во супата. Единствено не ја сечкајте тиквицата, тука само излупете ја и на половина исечена ставете ја во супата. По неколку минути, извадете ги кромидот и тиквицата и изблендирајте ги со малку вода од супата, па вратете ги во тенџерето. Кога се ќе биде сварено, извадете го месото, разделете го на ситни парчиња и него вратете го во тенџерето. По желба, пред крај може да додадете и фиде.

ПОВРЗАНИ НАПИСИПОВЕЌЕ ОД АВТОРОТ