Потребно:
- 4 парчиња пилешки стек
- 400гр моцарела
- 300гр спанаќ
- 2 чешниња лук
- 200гр печурки
- 200мл павлака за готвење
Подготовка: Секое парче пилешки стек засечете го како џеб, но не многу широк. Во него ставете парче моцарела и затворете со чепкалка. На малку масо, пропржете го месото да добие боја од двете страни. Ставете го месото во тавата за печење. во истото тавче каде се пржеа стековите, додадете ги ситно исечканите печурки и лукчето. нека се готви 5-6 минути, па додадете го исчистениот и исечкан спанаќ. По пет минути додадете ја и павлаката за готвење. Се заедно нека се соедини 2-3 минути. Потоа смесата ставете ја врз пилешките стекови, ставете го остатокот од моцарелата одозгора и ставете во рерна на 180 степени, околу 20-25 минути.
