Потребно:
- 200 гр пилешки гради
- 100 гр тиквички
- 50 гр пиперка
- 30 гр кус-кус
- 30 мл Теријаки сос
- 1 лажица маслиново масло
- Зачини по желба
Подготовка: Пилешкото се сече на коцки и се става во тавче, се посолува и се додава куркума или кој било друг зачин по желба, се прелива со малку вода и се пече. Печете десет минути, а кога водата ќе испари, малку промешајте и извадете го месото од тавата. Тиквичката и пиперката исечкајте ги на тенки ленти, а потоа нежно испржете ги на маслиново масло околу пет минути. Потоа додадете го месото во зеленчукот во тавата и сè прелијте со сос од теријаки и добро измешајте. По желба додадете уште зачини. Потоа додадете го кускусот кој претходно само сте го прелиле со зовриена вода и го оставиле три до пет минути, измешајте и послужете. Добар апетит!
