Потребно:
- 8 помали пиперки
- 200гр сирење
- 2 јајца
- 50мл масло
Подготовка: Измијте ги пиперките, и испразнете ги од семки. Изматете ги јајцата, додадете го маслото и сирењето кое претходно сте го иситниле и се заедно соединете. Со филот полнете ги пиперките, но не до крај, за при печењето да не истече филот. Оставете 2 цм пред врвот, празен простор.
Наредете ги пиперките во тавче, покријте го со алуминиумска фолија и ставете ги да се печат во рерна на 200 степени, околу еден час. На половина час, тргнете ја фолијата. Пиперките се готови кога се меки и ќе ја изгубат цврстината. Пиперките може да ги послужите топли или ладни.
