Потребно:
- 500 гр кора за пита
- 200 гр мелен мак/афион
- 100 гр шеќер
- Ванилин шеќер, по вкус
- 1 лажица рендана кора од лимон
- 220 гр кисела павлака
- 1 јајце
- 130 гр растопен путер за премачкување на корите
- 50 гр презла
Подготовка: Во поголем сад ставете го мелениот мак, шеќерот, ванилинот шеќер и кората од лимон и измешајте со жица за матење. Додадете ја павлаката и јајцето. На хартија за печење ставете еден лист кора за пита, премачкајте со путер и посипете со малку презла. Преку него ставете уште еден лист кора, се премачкува со путер и се посипува со презла. Продолжете додека не наредите 6-7 кори една преку друга. На 2⁄3 од горниот лист распоредете од филот со шпатула, оставајќи 1⁄3 од површината без полнење. Корите од секоја страна свиткајте ги навнатре, по околу 2,5 см, за да не испадне филот додека се пече. Тестото цврсто свиткајте го во ролна и ставете го крајот надолу на тавчето обложено со хартија. Премачкајте го горниот дел на питата со стопен путер. Печете на 180°C околу 35 минути, додека не порумени. Извадете ја питата од рерна, посипете ја со шеќер во прав и оставете ја да се излади пред да ја исечете. Добар апетит!
