Потребно:
- 1 пакување кора за пита
- 300 г фета сирење
- 2 чаши јогурт
- 1,5 чаши кисела вода
- 50 мл маслиново масло
- 3-4 јајца
- 1 кесичка прашок за печиво
- Сол по вкус
- Сусам за посипување
- 1 жолчка од јајце за премачкување
Подготовка: Во голем сад измешајте: иситнетато фета сирење, јогуртот, јајцата, киселата вода, маслото, прашок за печиво и солта Одделете 2 цели кори, а остатокот исечете го на ленти (широки приближно 2 см), потоа ставете ги во подготвениот фил и внимателно измешајте за да се соедини сè. Обложете го тавчето за печење со хартија за печење и ставете 2 цели кори преку рабовите – тие ќе се користат за преклопување подоцна. Истурете ја целата смеса со исечканите кори во тавчето, израмнете ги и преклопете со корите. Премачкајте со жолчка од јајце и наросете со сусам. Печете во претходно загреана рерна на 180°C околу 25 минути, или додека питата убаво не порумени. Добар апетит!
