Потребно:
За тестото:
- 400 гр брашно, плус дополнително за посипување
- 7 гр квасец
- Прстофат шеќер
- 1 ½ лажици маслиново масло
За сосот:
- 300 мл сос од домати
- 1 лажица доматно пире
- 1 лажица маслиново масло
- 1 чешне лук, ситно изрендано
- 1 лажичка суво оригано
За полнење:
- 150 гр моцарела
- 20 црни маслинки, без семки и преполовени
- Свеж босилек
Подготовка: Измешајте ги брашното, квасецот и шеќерот во поголем сад и направете дупка во средината. Додадете 1 лажичка сол, масло и 250 мл млака вода. Смесата со раце измесете ја во тесто, а потоа ставете ја на лесно набрашнета површина и месете 10 минути додека не стане мазна и еластична. Додадете уште малку масло во садот, додајте го тестото, покријте го со влажна крпа и оставете да нарасне 35-40 минути или додека не се удвои. Во меѓувреме во сад измешајте ги сите состојки за сосот од домати. Загрејте ја рерната на 190С. Калапот за пита малку подмачкајте го. Распоредете го тестото на набрашнета површина и со раце исфрлете го воздухот од него. Една четвртина од тестото оставете на страна, а остатокот развлечете го тенко за да биде доволно големо за да го обложите плехот. Втиснете го тестото на дното и по страните на калапот. Половина од сосот распоредете по подлогата од тесто, па наредете половина од количината моцарела и маслинки, како и свеж босилек. Врз филот лесно преклопете го тестото, па врз откриениот фил во средина ставете ја преостанатата моцарела. Ставете да се пече 45-50 минути додека тестото не зарумени и не стане крцкаво. Извадете ја питата од рерна, тргнете го обрачот од калапот и оставете пица питата да се олади пред да ја извадите од калапот. Добар апетит!
